+2

بيقولك للأجرة

Hosam AbuMustafa 4 years ago 0

هل ممكن بيقولك تعمل اتفاق مع وزارة المواصلات أو محافظات مصر أو المراكز والمحليات حتى لإدراج قاعدة بيانات بتسعيرات الأجرة للمواصلات العامة الإقليمية والداخلية. مع إدراج بيان بمسار الخط.

يا ريت الاتفاق يكون معاه إدراج وسيلة تبليغ من البرنامج عن السيارة المخالفة سواء للتسعيرة أو للخط أو التحميل من أماكن غلط أو تقصير الخط بنفس التسعيرة. وأهو بالمرة هنعرف العربيات اللي ليها نظام تبع الحكومة أو اللي بتحمل سرقة.

قاعدة البيانات ممكن يساهم الناس في إدخالها لكن طبعا مش هتبقى مجدية في المحاسبة ولا هيستفيد منها المواطن لإن التسعيرة بتختلف حتى من سواق لسواق.


عارف إن التعامل مع الأجرة مش تخصصكم، فده ممكن يكون برودكت مستقل لو لزم الأمر. بغض النظر إن اللي راكبين مواصلات أسهل حد يدي فيدباك عن الطرق الزحمة والمقفولة واللي شغالة عشان إيده فاضية.


بيتهيألي فرض النظام بالمحاسبة من الشعب للشعب والقضاء للحكومة هو اللي هيفرق.